За две недели нови автобуси низ скопските улици

Уште осум украински автобуси пристигнаа во Македонија.

Заклучно со тоа пристигна првата пратка на 15 од вкупно 84 автобуси, кои ќе бидат наменети за градските улици во Скопје.

Автобусите се од украинскиот производител  ЛАЗ „Лавовски Автобусни Заводи“ – Лавов. Осумдесет од нив ќе бидат единечни, а четири дупли. Автобусите се нископодни, со црвена боја, долги 12 метри, со капацитет за сто патника, од кои 69 места се за стоење и 31 за седење.

На сите автобуси ќе биде извршена хомологација на Машинскиот факултет, а потоа Министерството за транспорт и врски треба да ги предаде на Град Скопје, а тие на ЈСП Скопје. Оваа процедура би требало да трае околу десетина дена, а потоа ќе биде направена и првата официјална промоција на автобусите.

Останатите автобуси ќе се очекува да пристигнат до октомври оваа година.

Набавката на автобусите чини 11 милиони евра. Автобусите имаат автоматски менувач, клима, топли водни греачи и дисплеј покажувачи на правец.

Со оваа пратка возниот парк на ЈСП ќе се обнови за една четвртина.

Градот Скопје за две години ќе го обнови целосно возниот парк, вклучувајќи ги двокатни автобуси кои се произведуваат во Кина.