30.05.2013
Bu dəfəki müsahibimiz məşhur müğənni, klabberlərin sevimlisi, Eleven lounge-ın prezidenti Dilarə Kazımovadı.
S.B.Salam Dilarə xanım. Səhnəyə ilk dəfə çıxmağınızı xatırlayırsız?
D.K.Bəli, təbii ki. 11 yaşım var idi. Çexov adina 2 sayli gimnaziyanin səhnəsində xorun solisti kimi çıxış etmişdim.
S.B.Bildiymiz kimi (məlumatımıza görə), siz opera ifaçılığı üzrə təhsil almısınız. La Skala da şöhrət qazanmaq imkanından imtina etdiyinizə görə peşiman deyilsiniz ki?
D.K.Düzdür. Opera-vokal ifaçılığı üzrə konservatoriyada təhsil almışam və indiyə qədər opera musiqisi ən sevdiyim istiqamətdir. Amma La Skalada ifa etmek üçün bu istiqametde təhsili bir neçə xarici ali təhsil məktəblərində davam etdirmək lazımdır. Konservatoriyanı bitirdikdən sonra rok rok musiqisinə maraq göstərdim, buna görə mənim səyahətim naməlum bir vaxta təxirə salındı ve əslində bu gün məni digər musiqi istiqamətləri maraqlandırır…
S.B.Yəqin həyat tərziniz də fərqlidir? Saat neçədə yuxudan oyanırsız?
D.K.Bəli, mən gecə adamıyam. Bu rejimi dəyişmək isə məndə alınmır.
S.B.İdealınız ve yaxud kamil insan obrazınız varmı?
D.K.Mənim üçün ideal insan yoxdur, lakin, məni özünə heyran edənlər var. Hamısını sadalaya bilərəm.
S.B.Sizi küçədə tanıyan çox olur?
D.K.Olanda olur.
S.B.Cəmiyyətimizdə yaradıcı xanım, müğənni olmaq asandırmı?
D.K.Mənim üçün asandır. Ola bilsin ki, sadəcə bu vaxta kimi hansısa çətinliklə üzləşməmişəm.
S.B.Özünüzq 20 il sonra bu gün və saatda harda görürsüz?
D.K.Təsəvvür edə bilmərəm. Elə olur ki, bir saniyədə hər şey dəyişirvə bir il əvvəlki həyatını bilmək fantasik bir şeydir, nəinki iyirmi il.
S.B.Təhsil ili sona çatır. Məktəb və ya universitet illərinizdən yadda qalan ən parlaq xətirəniz nəylə bağlıdır?
D.K.Yaddaşla problemim yoxdur, amma belə bir xatirə yadımda deyil.
S.B.Siz filmə də çəkilmişdiniz. Yenidən filmlərdə və ya teatr tamaşalarında rol almaq istərdinizmi? Hansı obrazı canlandırmaq istərdiniz?
D.K.Bəli, böyük məmnuniyyətlə film və teatr tamaşalarında rol almaq istərdim. Canlandırmaq istədiyim konkret obraz yoxdur, amma bir dövrün qadın qəhrəmanı olmağı çox istərdim. Bu dəbdəbəli geyimlər, namuslu, igid və ehtiraslı kişi obrazları, nazlı, bal ve drama sevən qadınlarla səciyyələnən XVII – XVIII əsrlərdir.
S.B.Sizi həm də dəb pərəstişkarı olan bir xanım kimi tanıyırlar. Müxtəlif dəb layihələrində iştirak etmiş, dəb blogları üçün çəkilmisiniz. Sizcə, dəbli insan necə olmalıdır?
D.K.Stil dəbdə olan geyimdən asılı olmayaraq düzgün geyim seçmək bacarığıdır. Şəxsən məni, zövqlə geyinməyi bacaran kişilər və qadınlar heyran edir.